يحب كثير من الناس الاستماع الى اغاني رب فونات و من هذه الاغاني اغنية 1
ابريل الجوكر و اليكم كلماتها :
Verse : 1
دلوقتى انت بتسمعنى مش بتقولى انا من قرائك
بفضل وزارتين التجهيل ومسؤولين محو الثقافة
حلوة الأغانى ملعون ابوك يا شعر
صدر دينا بستة اصفار قلم نزار بعشر السعر
ديك الدولة ديك فى عشة خونه
باعوا كل حاجة باقى بس يبيعوا الهوا ده
احرق نيكوتين قبل ما يغلى النيكوتين
كلم خالو يبعت فيزا قبل ما يخلص الرصيد
هتهزر ولا ايه ديمقراطية لمين وفين
شعب يحكم ماشى يحكم بس عند امك فى البيت
هنحارب مين ما خلاص يلا يا قلمى نستعمى
ابعد عن وش الفيل ولا انا ولا انت هنحمى الكعبة
كل ما أقول هعتزل برجع فى القرار عشانك
بشاورلك عالبر مع إنى فى مركب غرقانة
بصراحة بحاول اكرهك ألاقى مخرجى وتلاقى مخرجك
بس غصب عنى برجع كل ما أشوف موكب أبرهة
Chorus
شايفنى فى المرايا شخص قرب من النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهدايا
Verse : 2
كل ما أنسى افتكر كل ما أبقى مدمن ابطل
بعيش أعراض الانسحاب والنص جرام فى الشنطة
مش هكدب زى نجوم الشاشة وأعمل فيها مثالى
هغنى ميت دليل على حرمانية الأغانى
مش هتفه المحتوى انا مش تامر المجتمع
انا مش عايز اتنفس تانى ادونى نصيبى حقنة هوا
ناجح قالى سعيد خطب ووحيد اشتغل فى قطر
وانا برسم مليون موناليزا فمش فاضى ارسم البطل
مخترتش علمى بكل ما أعلم ولا جهلى بكل ما لم أعلم
واللى اخترته مختارنيش فاختيارى كان بلا معنى
مش ذنبى إنى مفيدتش الجمهور المغذى بين
سيبانى برمى دود ما تقولى إننا فى البحر الميت
بشق السطر وأرسم الطريق لبيت القصيد
عايز تسكن عالجاهز رافض تحارب العماليق
كاره كل حاجة منكوا حتى كلامكم الجميل
أيام السنة كلها فى عيونكوا يوم واحد أبريل
Chorus
شايفنى فى المرايا شخص قرب من النهاية
هفضل بموت ببطئ طول ما انتوا عايشين جوايا
مكنتش عايز منكوا حاجة كنت عايزكوا معايا
انا اللى عملت حفلة عيد ميلادى وجبتلكوا الهداي
اغاني 1 ابريل الجوكر
