لغسالة الصحون بديل طبيعي لمساعد الشطف

غساله الاطباق,لغسالة الصحون بديل طبيعي لمساعد الشطف

غساله الصحون فعلا لاغنى عنها يابنات روعه وجميله جدا جدا

كل الفتوكات الناصحات اللي مقروصين من تكلفة لوازم غسالة

ولكل الفتوكات اللي كارهين فكرة شراء الغسالتن أصلاً لارتفاع كلفة الغسلة الواحدةمجهزة لكم موضوع شامل
بالصور ومتجرب بنتايج مذهلة للبديل الصح والصحي لكل لوازم غسالة

الأطباق وبتكلفة أقل من 10% من تكلفة أرخص حاجة في السوق

في البداية أحب أوضح نقطتين :

النقطة الأولانية : إني فهمت إن بيزنس منظفت صناع فارض هالة تعتيم وتجهيل على مكونات
صناعتهم وكمان فارضين جو إرهاب على سلامة استخدام أي بدايل سواء على

الغسالات أو على الصحة العامة. وسداً لأي ذرائع ممكن تقابلنا أثناء شرح الموضوع ح أعرفكم
على المكونات اللي ح نستعمليها وإزاي هي آمنة صحياً ووظيفياً.

والمكونات اللي ح أقولها دلوقتي هي جوهر المكونات اللي بتتصنع منها كووول منتجات غساله الأطباق
بخلاف لون أوريحة أوشكل مختلف لكل ماركة بإضافات تتميز بيها ظاهرياً عن

غيرها بدون فروق حقيقية بينها.

النقطة التانية : إني اتأكدتوقت جاربي إن أهم عامل في نجاح أي منظف هو جودة
رص الأواني في الغسالة!

يعني لو بتستعملي فينيش – وما اعرفش ما فينش – ومكركبة الأواني في الغسالة ممكن
الحاجة تطلع متشلفطة زيادة !! يبقى لما نستخدم الوصفة بتاعتنا لازم نراعي رصة

مبحبحة وما فيش طبق يدايق كوباية !

وعلى كده نبقى جاهزين نقول وصفتنا . . .

عندنا ثلاثحاجات عايزينها للغسالة:

مسحوق الغسيل …… اللي ح ينظف 2.5 كيلو فينيش ب 100 ج

مساعد الشطف ……. اللي ح يلمع زجاجة 400 مل فينيش ب 50

جنيهالملح ……. اللي ح يزيل عسر الميه علبة 2 كيلو فينيش ب 53 ج

ما تتخضوش كده دي أسعار فينيش الاسباني!!!!

نمسك مكونات مسحوق الغسيل :

أول شى البوراكس . . اللي هو بورات الصوديوم

تاني حاجة صودا الغسيل … اللي هي كربونات الصوديوم

تالت شي ملح الليمون … اللي هو حمض الستريك

وقبل ما حد يهب في ويقول إيه الكيماويات دي كلها أطمنكم إن إنها كلها آمنة
وهي مادة أساسية في كل المنظفات الصناعية وتعتبر آمنة تماماً في التداول والاستخدام العادي

كمنظف للأواني ما قلتش إعمليها قطرة للعين ولا قلتش دوبيها واشربيها . . ولو إن
بعضها ممكن يتشرب بأمان!

قلنا مسحوق الغسيل ح نشتريله الآتي:

1 ك بوراكس سعره حوالي 11 جنيه

1 كصودا الغسيل سعره حوالي 10 جنيه

12 كيلو ملح ليمون سعره حوالي 6 ج

استني ما تلخبطيهمش كلهم عشان ما يأثروش على بعض وتروح فاعليتهم

أنا استحدمت فنجان صغير للقياس لتجهيز استعمال أسبوعين وشلت باقي الحاجة بدون خلط
2 فنجان بوراكس+2 فنجان صودا الغسيل+ فنجان واحد ملح ليمون وحطيتهم في بطرمان صغير بغطاء
محكم وقلبتهم كويس وعند الغسيل آخد منه معلقة حلو للخانة الكبيرة بتاعة

المسحوق الحاجات دي بنجيبها من محلات الكيماويات اللي في شارع الجيش في العتبة واحتمال تلاقوها
عند العطارين لو من خارج القاهرة.

واضح إن الكمية الناتجة 2 ونص كيلو كلفتهم حوالي 27 ج بس !!

الحكاية سهلة مش محتاجة صور ومع ذلك رافعة صورة على الله توضح أكتر

دي صورة شيكارة الملح