خبراتكن في خيوط الاليز , معلومات عن خيط الاليز

خيوط القدر لكل وحده حابه هتستخدمها تعالى اقراي عنها الاول وافهمي عنها اكثر

مين حابب يعرف معلومات عن انواع الخيوط والابر المستخدمه وحاجات كتير تخص الكروشيه اللي حابب
يحط تعليق بذكر لله وهيبقي مرجع لانواع الخيوط ومعلومات مهمه باذن لله لو لقيت تفاعل
ع البوست هعدله 😍😍 انواع خيوط هنا ف فيديو

بسم لله *1*اول تعديل
البوست هنا هيكون طويل شويه وهتكلم عن #الكروشيه
#om_hamza_crochesta_style

عملت البوست ده علشان اطلب مني من ناس كتير عايزين يعرفو يبدو بخيط ايه وابره
ايه ومحتارين البوست ده يخص المبتدئين اكتر من المحترفين طبعا عملته علشان يعم فايده و
ربنا يجعله ف ميزان حسناتنا جميعا سوال بتساله ناس كتير ابتدي منين واتعلم ازاي عندك

طرقتين 1*انك تدوري ع حد يديكي كورس مدفوع الاجر علشان تبدئ تتعلمي صح وتعرفي اساسيات
الشغل الصح وبيوفر عليكي وقت طويل ومجهود اكتر

2*تفتحي يوتيوب وتجيبي قنوات متخصصه ف كروشيه وقنوات كتير جدا اتعلمي الاساسيات واسما الغرز وابدئ
طبقي ورا الفيديوهات
(هاااام)

نقول حبه نصايح كده عن الخيوط والابر وكل يوم هزودلكو ف البوست ده حبه معلومات
عن الخيوط ونخليه مرجع لينا😘😘😘
2_ تاني حاجه هتكلم عنها انواع الخيوط

صوف وقطن و غزل و صياد وحرير وكل خيط من دول يندرج تحتيه اسما كتير
وانواع اكتر كل ماافتكر حاجه هكتبهالكو
الصوف ليه انواع كتير ( مصري _ صيني _ تركي)
الصيني ابعدي عنه خالص خالص خساره ترمي فلوسك ف الارض
الصوف المصري بقا كذا نوع

(كواليتي)ناشف ف الشغل الوانه مش كتير
(كاميليا)تخين بيبقي حلو ف تريكو
(سبرنج)كل الانواع دي لشتا طبعا تنفع 👟👗👒👖 وبنستخدم معاهم ابر المونيوم تخينه حبه من اول
3 المونيوم سوا ابره سيليكون او عاديه

ومن الاخر مش بفضل المصري بس لو بتتعلمي ف الاول جيبي اسبرنج وابره 3 ونص
طالما للتعليم علشان بيبقي سعره حنين ع التركي واهم حاجه لو انت لسه مبتدئه تجيبي
خيط فاتح ابعد خالص عن الغوامق اولا علشان تشوفي الغرز تانيا علشان ميبهتوش

* الخيط الصينى سىء جدا رخيص لكن لا تستخدمية خساره فيه الفلوس و يوبر من
اول استخدام
لينا تكمله ع الصوف باستفاضه تابعوني
تاني تعديل باذن لله تكمله للاصواف
بعد مااتلكمنا عن الخيط مصري وخيط ال

صيني نيجي بقا للخيط التركي
* خيط اليزا بيبي سكريم استخدم معاه ابره 2ونص المونيوم علشان شغلك يبقا ماسك نفسه
مخصوص للاطفال ناعم ونتيجته حلو ف شعرايه خفيفه اوي كانت شله ب 21 الشتا اللي
فات ده بنستخدمو ف مفارش سرير او كوفرتات او فستانين او مش بحبه ف لكلوك

علشان خفيف ورفيع يدوب كام ماشيه وهيتنحل من القدم ف هو ف ملابس مناسب
*خيط اليزا بيرسوم فتله تخينه معاه ابره 4 المونيوم وحسب كل وحده ما بترتاح لايه
مه مسكه اديها لان كل وحده بيتخلف شغلها عن التانيه ف ايد بتمسك الشغل وايد
بتريح وتوسع

فاحسن حاجه جربي ف عينه الاول واللي ترتاحيله اشغلي بيه ده حلو ف الكارديجان الواسع
البيج سايز علشان بيدي هروله لشغل و بينجز معاكي حلو ف الايس كاب والكوفيات كمان
ممكن بلوفرات بس بلاش فساتين بيه

* خيط هيمالايا ايفري داي بحبه جدا ناعم وجميل ونزل منه شتا اللي فات هيمالايا
ايفري داي بيبي لوكس معالج خصيصا لاطفال ضد الحساسية عمتا الهيمالايا تحفه ف الشغل معاه
ابره 3ونص بيتعمل منه فساتين الاطفال والحاجات االي محتجاها تبقي ناعمه ف اللبس مش

مشعره اوي
وفي كمان هيمالايا بينو بس فتلته ناشفه شويه لماجربتها او ماسكه نفسها
في كمان هيمالايا بيج ده اتخن من الايفري داي
كمان ف هيمالايا سوبر لوكس يشبه البيبي لوكس ف خامته

كمان هيمالايا البن فتلته تخينه ويستخدم معاه ابره رقم 5 المونيوم
عمتا الهيمالايا ماركه محترمه اوي
* خيط اس جي تركي سعره اقل من اليزا في منه فتلتين فتله سميكه ورقه
بيضا وفي منه ورقه سوده ده فتلته وسط تشبه رفع اليزا بيبي بس ف ناس
اشتك منه انه بيوبر مع الوقت

وفي ناس قالت انه وبر قبل ما تشتغل بيه اساسا بس عن تجربتي معاه فعلا
ف شلل منه بتبقي وبرتها زايده عن للزوم اي صوف لازم يبقي فيه الشعره دي

* خيط فوجي برضه تركي نزل ايام الاس جي اقل منه ف السعر انواعه كتير
وفتلته مختلفه عن بعضها يعني كل شله غير تانيه ف منه حلو وفي منه فتله
وحشه جدا وبره وخشنه مطقيش تلبسيها انا مش بحبه وعمري ماجربته للاسف

*خيط فاشون جميل وفتلته جميله ده بالوزن يعني الشله زي ماتوزن ف منه فتله تشبه
خيط الهيمالايا ايفري داي ف نعومتها لماسالت بيقولو انه ده الاستوك بتاع الهيمالايا

*اليزا لانا جولد صوف نسبته عاليه فيه عن سوبر لانا ف فرق بين الخيطين الجولد
نسبه صوفه 50% اما لانا 25% وارفع منه حبه الجولد اتخن من الانا

***نتكلم عن القطن بقا حبه 😘😘
* اليزا ديفا غني عن التعريف مفيش حد مشتغلش بيه من جمال الوانه وفتلته الناعمه
هو اي نعم مش قطن زي ماحنا كلنا بنقول قطن قطن هو اصلا نسبه البوليستر
فيه عاليه ونسبه قطن قليله جدا بس نتيجه والملمس روعه الوان كتير اوي ودرجاتها كمان
ومش بيبهت نستخدم معاه ابره 2 المونيوم او استلس لو محتاجه ان شغل يكون ماسك
نفسه
بنستخدمه ف العرايس الايمجرومي بيطلع عرايس جميله سوا فتله او علي فتلتين بنعمل منه مفارش
بلوزات حريمي فساتين اطفال اسكارفات صيفي طبعا بندنات للشعر واكسسورات كمان وشنط ب 25 ج

*خيط يارن ارت ربيدو زيه زي الديفا ظبط نفس فتله تقريبا
*نيجي بقا لاليزا قطن جولد جميل جدا غني كده تحسي فتله تخينه بس هو ف
الواقع صيفي وقطن ونسبه قطنه عاليه واكتر من الديفا هو 50% قطن سعر عالي عن
الديفا بيتباع حوالي 35ج من مكان لمكان بيختلف السعر
بنستخدمه ف كوفرتات مفارش سرير كمان حاجات الاطفال الملابس علشان قطن ميحرش ممكن شنط
*اليزا بهار قطن 100% غالي اوي وصل 40ج الشله لحد علمي بس فتله روعه
* اليزا فوريفر ده قطن برضه شبيه للديفا بس ارفع من ديفا كمان الفتله ممكن
تبقي نص سمك فتله الديفا بيعملو منه المفارش وعرايس لو عايزاها صغيره شله ف حدود
12ج استخدمي معاه ابر استلس رفيعه علشان يمسك الشغل
#om_hamza

خبراتكن في خيوط الاليز

معلومات عن خيط الاليز

• استخدام خيط اليزا فورايفر